De manm SOFA (Solidarite Fanm Ayisyèn), Évelyne Larieux ak Marie-Frantz Joachim, pale ak J.J. Dominique jou 25 novanm, Jounen entènasyonal kont vyolans sou fanm. Yo pale sou orijin jounen an (pou onore sè Mirabal yo, ki te lite kont diktati Trujillo nan Repiblik Dominiken; rejim nan te maspinen yo epi touye yo 25 novanm 1960). Yo eksplike tout fòm vyolans sou fanm: vyolans fizik, vyolans seksyèl tankou vyòl, ak vyolans emosyonèl ak psikilojik. Yo pale tou sou chèf seksyon ki fè vyolans ak vyolans seksyèl sou fanm.