Ginette Chérubin, Minis Kondisyon Feminin ak Dwa Fanm yo, bay pèspektiv li sou feminis ak sou travay Ministè a ap fè pou ankouraje dwa fanm, sitou konsènan kredi pou machann yo, madan sara yo, ak fanm peyizan yo. Li eksplike enpòtans pou fanm patisipe nan pwogram refòm agrè a, ak pou asire ke fanm yo jwenn plis kredi agrikòl. Li dekri tou ki rapò Ministè a genyen avèk òganizasyon fanm yo. Fòk fanm yo granmoun tèt yo, fòk yo libere, paske liberasyon sa a kapital pou pwogrè ekonomik ak sosyal tout peyi a.

Ginette Chérubin, Minis Kondisyon Feminin ak Dwa Fanm yo, bay pèspektiv li sou feminis ak sou travay Ministè a ap fè pou ankouraje dwa fanm, sitou konsènan kredi pou machann yo, madan sara yo, ak fanm peyizan yo. Li eksplike enpòtans pou fanm patisipe nan pwogram refòm agrè a, ak pou asire ke fanm yo jwenn plis kredi agrikòl. Li dekri tou ki rapò Ministè a genyen avèk òganizasyon fanm yo. Fòk fanm yo granmoun tèt yo, fòk yo libere, paske liberasyon sa a kapital pou pwogrè ekonomik ak sosyal tout peyi a.

AlterPresse permet qu’il soit fait utilisation du présent contenu conformément aux dispositions et sous réserve des conditions garant sur son site web. www.alterpresse.org

Pandan dezyèm vizit li nan emisyon Entre Nous pou pale sou liv li a, « Lutte des femmes et luttes sociales en Haïti » avèk J.J. Dominique, Myrtha Gilbert pale kesyon vyolans sou fanm ann Ayiti ak sou orijin vyolans nan sosyete ayisyen an, soti nan moman lè kolon blan yo mete pye yo sou Kiskeya. Gilbert ak Dominique pale sou yon kontradiksyon aparan: se fanm ki poto mitan sosyete ak ekonomi ayisyen, men se yo menm k ap sibi vyolans. Vyolans sou fanm, ak vyolans sou timoun tou, vin banalize nan sosyete ayisyen an.

Myrtha Gilbert pale sou istwa fanm ayisyen nan pouvwa politik, pa egzamp wòl fanm nan revolisyon ayisyen an epi nan batay pou dwa tè, kesyon dwa vòt, epi efè rejim ak sistèm divalyeris sou dwa fanm. Yo pale sou patikilarite prezidans Ertha Pascal-Trouillot. Gilbert pale de “fanm alibi” ki monte nan pòs politik san yo pa vrèman chanje sistèm politik la, san yo pa fè anyen pou pwoblematik fanm yo. Daprè Gilbert, batay pou dwa fanm makonnen ak batay pou dwa tout sitwayen. Entèvyou J.J. Dominique.

Nan okazyon Jounen Entènasyonal Fanm yo, Carline Simon ki reprezante Fanm Solèy Leve, Selina Noël ki reprezante Mouvman Peyizan Papay, ak Marie Laurence Lassègue ki reprezante Fanm Yo La pale sou objektif ak aktivite chak òganizasyon epi sou dwa fanm an jeneral. Lassègue dekri Fanm Yo La kòm yon òganizasyon k ap lite pou ogmante reprezantasyon politik fanm yo, Noël dekri jan y ap mete koze fanm anndan platfòm dwa peyizan MPP a, epi Simon dekri travay Fanm Solèy Leve fè nan domèn alfabetizasyon, sante, ak fòmasyon pwofesyonèl pou fanm yo.

(00:00:00-00:03:57)Yon reprezantant òganizasyon de baz dwa fanm ki soti nan Grandans pale sou tout pèsekisyon fanm konn sibi nan zòn nan, koman vyolans politik ki fèt sou gason gen efè sou fanm tou, epi eksperyans li avèk Ministè Kondisyon Feminin ak Dwa Fanm nan. (00:04:12-00:08:20)Yon reprezantant òganizasyon dwa fanm ki soti nan Papay nan Plato Santral pale sou kesyon dwa fanm nan zòn nan epi represyon politik ki fèt sou fanm, sitou pandan peryòd koudeta a. Li pale tou sou efè ensekirite ak lavichè. Li mande tou dedomajman pou viktim yo, yon bank kredi pou fanm, ak bous pou fanm.

3 avril 1986, fanm Pòtoprens te pran lari an foul pou selebre fen diktati Duvalier a. Lè sa, te gen anpil espwa ke tap gen yon vrè chanjman nan kondisyon fanm nan nivo ekonomik, sosyal, ak politik, epi ke tap gen yon lòt epòk pou dwa fanm. Nan 10yèm anivèse 3 avril la, Radio Haïti-Inter pale ak 2 militan feminis, Myriam Merlet (ansyen chèf ekip Ministè Kondisyon Feminin ak Dwa Fanm ak fondatris ENFOFANM, ki mouri nan tranblemantè 12 janvye 2010 la) ak Danièle Magloire (ki te nan CONAP ak ENFOFANM).

3 avril 1986, fanm Pòtoprens te pran lari an foul pou selebre fen diktati Duvalier a. Lè sa, te gen anpil espwa ke tap gen yon vrè chanjman nan kondisyon fanm nan nivo ekonomik, sosyal, ak politik, epi ke tap gen yon lòt epòk pou dwa fanm. Nan 10yèm anivèse 3 avril la, Radio Haïti-Inter pale ak 2 militan feminis, Myriam Merlet (ansyen chèf ekip Ministè Kondisyon Feminin ak Dwa Fanm ak fondatris ENFOFANM, ki mouri nan tranblemantè 12 janvye 2010 la) ak Danièle Magloire (ki te nan CONAP ak ENFOFANM).

Jasmine Claude Narcisse pale sou liv li soti ki rele «Mémoire de Femmes», yon panorama fanm konsekan nan istwa politik, kiltirèl, ak sosyal Ayiti.

Jasmine Claude Narcisse discusses her book Mémoire de Femmes, an overview of important women in Haiti's political, cultural, and social history.

Jasmine Claude Narcisse présente son dernier livre, « Mémoire de Femmes », un panorama des femmes illustres dans l'histoire politique, culturelle et sociale haïtienne.